news 25 city

Monday, November 13, 2017

បើដំឡើងទៅ iOS 11 គួរដោនឡូតកម្មវិធីប្រើបច្ចេកវិទ្យា AR ល្អៗទាំងនេះ

ក្នុងខែ មិថុនា ក្រុមហ៊ុន Apple បានបង្ហាញនូវ ARKit ជា Framework ផ្ទាល់ខ្លួនសម្រាប់កម្មវិធីបែប Augmented-

reality។ បច្ចេកវិទ្យានេះអាចឲ្យអ្នកដាក់នូវធាតុផ្សេងៗលើទិដ្ឋភាពជាក់ស្តែងគ្រប់ទីកន្លែង ដោយប្រើប្រាស់ iPhone ឬ iPad។

មុខងារថ្មីនេះមានលើ iOS 11។ អ្នកអាចពិនិត្យមើលនូវកម្មវិធីខាងក្រោមប្រើនូវ ARKit ជាយោបល់ពីអ្វីអាចធ្វើបានបច្ចុប្បន្នជាមួយនឹង Framework នេះ។

កម្មវិធី Amazon, កម្មវិធី Magnolia Market៖ កម្មវិធីនេះអាចឲ្យអ្នកដាក់នូវផលិតផលផ្សេងៗទៅលើទិដ្ឋភាពជាក់ស្ដែងដូចជាផ្ទះ ឬបន្ទប់ទទួលភ្ញៀវ រួចអ្នកពិនិត្យមើលសម ឬអត់។ បន្ទាប់មកអ្នកអាចចែករំលែកជាមួយមិត្តភ័ក្ដិជួយពិនិត្យមើល ប្រសិនបើអ្នកពេញចិត្ត អ្នកអាចចុចលើចំណុចគ្រាប់បីនៅជ្រុងអេក្រង់ អ្នកនឹងឃើញទំព័រជាមួយនឹងព័ត៌មានលំអិតផលិតផលទាំងនោះ រួចអ្នកបញ្ចូលក្នុង Cart សម្រាប់ការទិញបាន។ ដោនឡូតនៅទីនេះ

កម្មវិធី Ikea Place៖ កម្មវិធីនេះស្រដៀងនឹងកម្មវិធីខាងលើដែរ ប៉ុន្តែមិនមានបញ្ចូលការទិញផលិតផលទាំងនោះទេ។ ដោនឡូតនៅទីនេះ

កម្មវិធី Holo៖ កម្មវិធីនេះអាចឲ្យអ្នកបន្ថែមនូវ តួអង្គមនុស្ស និងសត្វលើទិដ្ឋភាព ហើយផ្ដល់ជម្រើសក្នុងការថតជារូបភាព ឬវីដេអូ។ អ្នកអាចពង្រីកបង្រួម រំកិលអាស្រ័យលើទីតាំងអ្នក ហើយអ្នកក៏អាចបញ្ចេញប្រតិកម្មលើតួអង្គនោះបានដែរ។ ដោនឡូតនៅទីនេះ

កម្មវិធី Giphy World៖ កម្មវិធីនេះអាចឲ្យអ្នកដាក់នូវរូបភាពមានចលនា (GIF) ឬ Sticker ផ្សេងៗលើទិដ្ឋភាព ហើយអ្នកអាចគ្រប់គ្រងទីតាំង ព្រមទាំងអាចថតជារូបភាព និងវីដេអូបាន។ ដោនឡូតនៅទីនេះ

កម្មវិធី Fitness AR៖ កម្មវិធីនេះប្រើ API របស់ Strava ដើម្បីទាញទិន្នន័យ និងបម្លែងផ្លូវទៅជាផែនទី 3D ដែលបង្ហាញនូវដីអ្នកបានឆ្លងកាត់ ដោយរត់ ឬជិះកង់។ អ្នកអាចពិនិត្យមើលផ្លូវអ្នកធ្លាប់បានធ្វើលំហាត់ប្រាណបានជា 3D លើបន្ទាត់ពណ៌ខៀវ រួចចែករំលែកទៅកាន់មិត្តភ័ក្ដិបាន។ ដោនឡូតនៅទីនេះ

កម្មវិធី Hair Color ដោយ ModiFace៖ កម្មវិធីនេះអាចសម្គាល់មើលសក់អ្នកបានលំអិត ដោយវីដេអូ រួចអ្នកអាចផ្លាស់ប្ដូរពណ៌អ្នកចូលចិត្ត។ អ្នកប្រហែលជាអាចនឹងផ្លាស់ប្ដូរពណ៌សក់ពេលអ្នកប្រើកម្មវិធីនេះ។ ដោនឡូតនៅទីនេះ

កម្មវិធី Magic Sudoku៖ កម្មវិធីនេះប្រើកាមេរ៉ាក្រោយតែមិនមែនជាកម្មវិធីតម្រង់ហើយថតតែម្ដងនោះទេ។ កម្មវិធីប្រើ AR ជួយអ្នកដោះស្រាយនូវហ្គេម Sudoku puzzle ពិបាក អ្នកមិនអាចដោះបាន។ អ្នកគ្រាន់តែតម្រង់កាមេរ៉ាលើផ្ទៃក្រឡាហ្គេមនៃកុំព្យូទ័រ ឬ iPad ឲ្យត្រូវនឹងចំណុចពណ៌លឿនលើរូបនោះទេ ចម្លើយនឹងបង្ហាញ។ ដោនឡូតនៅទីនេះ

កម្មវិធី ShARk ដោយ Curiscope៖ កម្មវិធីនេះអាចឲ្យអ្នកដាក់ត្រីហែលលើទិដ្ឋភាពជាក់ស្តែង រួចដាក់ចំណីត្រង់ចំណុចណាមួយ ត្រីឆ្លាមនឹងហែលទៅរក។ ប្រសិនបើអ្នកមិនដាក់ចំណី ត្រីឆ្លាមនឹងហែលចុះឡើងពេញទិដ្ឋភាព។ អ្នកក៏អាចថតជាវីដេអូនូវសកម្មភាពពេលវាហែលផងដែរក្នុងការចែករំលែក៕ ដោនឡូតនៅទីនេះ

ប្រភព៖ DigitalTrends ប្រែសម្រួល៖ ប៊ុន ធឿន

2:22 PM by Unknown · 0

LG G6 Plus កាមេរ៉ាភ្លោះ RAM 6GB ចេញលក់ហើយ ឯតម្លៃកប់!

យោងតាមប្រភពពី LG Mobile Philippiness បានឲ្យដឹងថា LG G6 Plus ដែលជាម៉ូឌែលចុងក្រោយបានបង្ហាញខ្លួនហើយ មានបំពាក់មកជាមួយសមត្ថភាពនិងតម្លៃកប់តែម្ដង។

LG G6 Plus

លក្ខណៈសម្បត្តិរបស់ LG G6 Plus៖

បំពាក់មកជាមួយអេក្រង់ទំហំ 5.7 អ៊ីញ កម្រិត QHD+ ប្រើបច្ចេកវិទ្យាកញ្ចក់ការពារភាពសឹកឆ្កូត Gorilla Glass 5 កម្រិត 565 ppi ។

ប្រើប្រាស់ CPU ប្រភេទ Snapdragon 821 Quad-core ល្បឿន 2.4GB បំពាក់មកជាមួយ RAM ពីរប្រភេទគឺ 6GB និង 4GB មានម៉េម៉ូរីម៉ាស៊ីន 128GB អាចថែមម៉េម៉ូរីកាតក្រៅបានដល់ 2TB។

កាមេរ៉ាភ្លោះខាងក្រោយទំហំ ១៣ មេហ្គា មានបំពាក់មុខងារទប់លំនឹង OIS, មុខងារ Wide angle, មានភ្លើង LED Flash ពីរគ្រាប់ ឯកាមេរ៉ាមុខទំហំ ៥ មេហ្គា អាចថតរូប Selfie បានច្រើនគ្នា (Wide angle)។

មានថាមពលថ្ម ៣ ៣០០ mAh(មីលីអំពែម៉ោង) ប្រើបច្ចេកវិទ្យាសាកថ្មលឿន Quick Charge 3.0 ប្រើខ្សែសាក USB Type-Cដើរដោយ Android 7.0 Nougat(អាចឡើងទៅ 8.0 Oreo បាន)។

LG G6 Plus មានមុខងារស្កេនក្រយៅដៃ បច្ចេកវិទ្យាមិនជ្រាបទឹកកម្រិត IP68 អាចសាកថ្មដោយឥតប្រើខ្សែក៏បាន។ វាមាន ៣ ពណ៌គឺ ខ្មៅ ខៀវ និងពណ៌មាស។

ចំពោះតម្លៃ LG G6 Plus លក់នៅហ្វីលីពីន ៦០០ ដុល្លារ ឯតម្លៃនៅខ្មែរមិនទាន់មាននៅឡើយទេ៕

ទស្សនាវីដេអូបង្ហាញរូបរាងខាងក្រោម

ចុចអាន៖

ប្រភព៖ gizguide ប្រែសម្រួល៖ រក្សា

2:19 PM by Unknown · 0

Samsung បោះចោលគម្រោងដាក់ទ្រនាប់ស្កេនក្រោមអេក្រង់ Galaxy S9

ក្រុមហ៊ុន Samsung បានសម្រេចចិត្តថានឹងមិនបញ្ចូលនូវទ្រនាប់ស្កេនម្រាមដៃក្រោមផ្ទៃអេក្រង់ Galaxy S9 ឡើយ។ នេះបើតាមការចេញផ្សាយរបស់សារព័ត៌មានក្នុងស្រុក។

Galaxy S9 និង S9+ នឹងបន្តមានទ្រនាប់ស្កេនម្រាមដៃនៅផ្នែកខាងក្រោយដូចជា Galaxy S8 និង S8+ ដដែល។ ការចេញផ្សាយខាងលើបានលេចចេញឡើង ក្រោយគេប៉ាន់ស្មានថា Samsung បានធ្វើការសម្រេចចុងក្រោយលើលក្ខណៈសម្បត្តិ Hardware របស់ Galaxy S9 រួចហើយ ដោយការផលិតសាកល្បងបានចាប់ផ្ដើមតាំងពីខែតុលាមកម្ល៉េះ។ ការផលិតទ្រង់ទ្រាយធំនឹងចាប់ផ្ដើមនៅខែធ្នូ។

កន្លងមកក្រុមហ៊ុនកូរ៉េខាងត្បូងមួយនេះតែងមានបំណងចង់បំពាក់ទ្រនាប់ស្កេនម្រាមដៃក្រោមផ្ទៃអេក្រង់លើស្មាតហ្វូនកំពូលៗរបស់ខ្លួន ប៉ុន្តែមិនបានជោគជ័យព្រោះផលវិបាកលើផ្នែកបច្ចេកទេស។ ការសម្រេចចិត្តមិនប្រើបច្ចេកវិទ្យានេះនៅលើ Galaxy S9 មិនមានន័យថា Samsung បោះចោលបច្ចេកវិទ្យានេះទាំងស្រុងនោះទេ។ គេជឿថា Samsung នឹងសាកល្បងបំពាក់បច្ចេកវិទ្យានេះម្ដងទៀតនៅលើ Galaxy Note 9 ដែលទំនងនឹងបង្ហាញខ្លួននៅខែសីហា ឆ្នាំក្រោយ៕

ប្រភព៖ The Investor ប្រែសម្រួល៖ សុខហេង

2:17 PM by Unknown · 0

ឆ្នាំ ២០១៧ នៅមិនទាន់មានទូរសព្ទណាស៊ីដាច់ iPhone 7 នៅឡើយទេ

យោងតាមរបាយការណ៍ស្រាវជ្រាវចេញពី Canalys ឲ្យដឹងថា iPhone 7 របស់ Apple នៅតែឈរលំដាប់ទី ១ ស្មាតហ្វូនលក់ដាច់បំផុតប្រចាំត្រីមាសទី ៣ ឆ្នាំ ២០១៧។ គិតត្រឹមចុងខែកញ្ញា iPhone 7/7 Plus លក់ដាច់បានប្រមាណ ១៣ លានគ្រឿង។

ចំពោះដំណែងលេខ ២ បានទៅលើ iPhone 6s លក់បានចំនួន ៧.៩ លានគ្រឿងស្របពេល SAMSUNG Galaxy J2 Prime ឈរនៅលេខ ៣ ចំនួន ៧.៨ លានគ្រឿង និងម៉ូដែល Oppo A57 បាន ៧.៨ លានគ្រឿង និងចុងក្រោយម៉ូដែលកាមេរ៉ាភ្លោះកូនកាត់ 7 Plus ម៉ូដែល R11 របស់ Oppo បាន ៧.២ លានគ្រឿង។

iPhone 8/8 Plus សរុបចូលគ្នាលក់ដាច់បាន ១១.៩ លានគ្រឿង តួលេខនេះមានការធ្លាក់ចុះ ធៀបនឹងការចេញលក់ដំបូង iPhone 7/7 Plus ឆ្នាំ ២០១៦ ហក់ខ្ពស់ដល់ ១៤ លានគ្រឿងឯណោះ។

អានអត្ថបទបន្ទាប់

ប្រភព៖ CNBC ប្រែសម្រួល៖ កៅ រក្សា

2:15 PM by Unknown · 0

Apple ចេញឆ្លើយតប អេក្រង់ iPhone X ដំណើរការខុសប្រក្រតី

តួលេខម្ចាស់ iPhone X កាន់តែច្រើនបានបញ្ចេញមតិលើគេហទំព័រ Reddit និង Twitter ជុំវិញអេក្រង់នៃស្មាតហ្វូនរបស់ពួកគេចាប់ផ្តើមដំណើរការខុសប្រក្រតី នៅទីតាំងត្រជាក់ខ្លាំង។ ថ្វីបើមិនការបញ្ជាក់ពីបញ្ហាច្បាស់លាស់ណាមួយ ប៉ុន្តែគេជឿថាមិនមែនជារឿងចៃដន្យនោះឡើយ។

ក្រោយមក Apple ក៏បានឆ្លើយតបក្នុងសារព័ត៌មាន The Loop ថា "ពួកយើងទទួលស្គាល់អេក្រង់ iPhone X នឹងមិនអាចឆ្លើយតបការបញ្ជាបានរហ័សឬបត់បែនបានភ្លាមៗ នៅក្នុងអាកាសធាតុត្រជាក់ឡើយ លុះត្រាតែចាំប៉ុន្មានវិនាទីបន្ទាប់ ប៉ុន្តែយើងនឹងកែប្រែចន្លោះប្រហោងទាំងនោះនៅកំណែអាប់ដែតកម្មវិធីនាពេលខាងមុខ"។

ជាទូទៅ Apple បានកំណត់រួចជាស្រេចការប្រើប្រាស់ iPhone ចន្លោះសីតុណ្ហភាព ០ ទៅ ៣៥ អង្សាសេគឺមិនជាបញ្ហាចោទអ្វីឡើយ លើកលែងតែខ្ពស់ឬទាបជាងការកំណត់នេះប៉ុណ្ណោះ។ ប៉ុន្តែផ្អែកតាមការលើកឡើងរបស់អ្នកប្រើប្រាស់ម្នាក់ដែលជួបបញ្ហាបានឲ្យដឹងថា ទូរសព្ទគេកាន់ប្រើនៅសីតុណ្ហភាពត្រឹមក្បែរ ១០ អង្សាសេប៉ុណ្ណោះ ផ្ទុយទៅវិញនៅបន្តជួបបញ្ហាដដែល។

ប្រភព៖ idropnews ប្រែសម្រួល៖ កៅ រក្សា

2:14 PM by Unknown · 0

Apple ព្យាយាមលាក់រឿងសម្ងាត់ទាំង ១០ នេះអំពី iPhone X

iPhone X នឹងមកដល់ខ្មែរជាផ្លូវការនៅថ្ងៃទី ២៤ ចុងខែវិច្ឆិកានេះខណៈវាកំពុងចរាចរណ៍ពាសពេញពិភពលោកក្រោយបានចេញលក់លើទីផ្សារកាលពីថ្ងៃទី ៣ វិច្ឆិកាកន្លងទៅ តែយ៉ាងណាក៏ដោយ Apple បានលាក់រឿងអាថ៌កំបាំង ១០ ពាក់ព័ន្ធនឹង iPhone X មិនឱ្យអតិថិជនរបស់ខ្លួនដឹង។ តើរឿងសម្ងាត់ទាំង ១០ នោះជាអ្វីឱ្យប្រាកដទៅ?

១. ការរចនាផ្នែកខាងក្នុងខុសគ្នាខ្លាំង

មិនត្រឹមតែការឌីហ្សាញផ្នែកខាងក្រៅថ្មីនោះទេពោលគឺផ្នែកខាងក្នុងរបស់ iPhone X ក៏ប្លែកដែរបន្ទាប់ពីក្រុមហ៊ុន iFixit បានរុះរើដល់ម៉ាស៊ីនក្នុងរបស់វា។ iFixit រកឃើញថា ដង់ស៊ីតេនៃឧបករណ៍ភ្ជាប់ និងសមាសភាពរបស់វាមិនធ្លាប់ប្រើប្រាស់ពីមុនមកទេ ។ រីឯ logic board នៅលើ Motherboard មានទំហំតូច ។ Motherboard របស់ iPhone X មានទំហំស្មើប្រមាណ ៧០% នៃទំហំ Motherboard របស់ iPhone 8 Plus។

២. ថ្មពីរគ្រាប់

នេះគឺជា iPhone ដំបូងគេដែល Apple បានបង្កប់ថ្មពីរគ្រាប់ ។ ក្រុមហ៊ុនបានកាត់បន្ថយគម្លាត logic board ដើម្បីដាក់ថ្មថ្មីមួយទៀតរាងអក្សរ L។

៣. Samsung ជាអ្នកផ្គត់ផ្គង់កញ្ចក់ OLED

iPhone ស៊េរីមុនៗត្រូវបានក្រុមហ៊ុន Renesas និងក្រុមហ៊ុន Synaptic ជាអ្នកផ្គត់ផ្គង់កញ្ចក់ឱ្យតែសម្រាប់ iPhone X វិញកញ្ចក់ OLED ត្រូវបានរៀបចំដោយក្រុមហ៊ុន Samsung ទាំងស្រុង។

៤. ទំហំ RAM ៣GB

iPhone X មានទំហំ RAM ៣GB ដែលទិញមកពីក្រុមហ៊ុនកូរ៉េខាងត្បូង SK Hynix និងទំហំផ្ទុក ៦៤GB ទិញមកពីក្រុមហ៊ុន Toshiba។

៥. បន្ទះឈីបសេវាទូរសព្ទរបស់ Intel

បន្ទះឈីបក្នុង iPhone X បានមកពីក្រុមហ៊ុន Intel ហើយក៏មានក្នុង iPhone 8 និង iPhone 8 Plus។

៦. សេនស័រកាមេរ៉ាខាងមុខទិញពី Sony

សេនស័របង្កប់ក្នុងកាមេរ៉ាខាងមុខទិញពីក្រុមហ៊ុន Sony។

៧. រន្ធដោតប្រភេទ USB Type-C ទិញពីក្រុមហ៊ុន Cypress Semiconductor Corp

រន្ធដោត USB Type-C របស់ iPhone X ផ្គត់ផ្គង់ដោយក្រុមហ៊ុនមានមូលដ្ឋាននៅក្រុង San Francisco ក្រុមហ៊ុន Cypress Semiconductor Corp។

៨. ប្រព័ន្ធសាកថ្មឥតខ្សែ Wireless Charging ទិញពីក្រុមហ៊ុន Broadcom

iPhone X សាកថ្មប្រព័ន្ធដោយមិនបាច់ប្រើខ្សែ ឬ Wireless Chargingដែលបានមកពីឧបករណ៍ត្រួតពិនិត្យ Broadcom BCM59355 របស់ក្រុមហ៊ុន Broadcom។

៩. កាមេរ៉ា Infrared ទិញពីក្រុមហ៊ុន STMicroelectronics

កាមេរ៉ា Infrared សម្រាប់ថតយកចំណុច ៣០ ០០០ ប្រភេទលើផ្ទៃមុខបង្កើតជារូបភាពដើម្បីដំណើរការមុខងារ Face ID

ទិញពីក្រុមហ៊ុនកូនកាត់បារាំង-អ៊ីតាលី STMicroelectronics។

១០. ថាមពលថ្ម iPhone X ១០,៣៥ វ៉ាត់ម៉ោង (Wh)

កម្លាំងថ្មរបស់ iPhone X ទំហំ ១០,៣៥ វ៉ាត់ម៉ោង (Wh) ឬ ២៧១៧ មីលីអំពែនៅចំណុច ៣,៨១ វ៉ុលខណៈ Galaxy Note 8 មានដល់ទៅ ១២,៧១ Wh ឯណោះ៕

ប្រភព៖ gadgetsnow ប្រែសម្រួល៖ សិរីបុទ្រ

2:12 PM by Unknown · 0

Samsung Galaxy S8: ស្មាតហ្វូនសមត្ថភាពដែនកំណត់

Galaxy S8 នាំមកនូវអេក្រង់គ្មានដែនកំណត់ សេវាប្រព័ន្ធភ្ជាប់អេកូទ្បូស៊ី និងប្រព័ន្ធដំណើរការដ៏ឆ្លាតវៃ
ភ្នំពេញ៖ ក្រុមហ៊ុនសាមសុង បានបង្ហាញពិភពលោកនូវស្មាតហ្វូនដ៏ទំនើបជំនាន់ចុងក្រោយ ខុសប្លែកពីស្មាតហ្វូនដទៃ ជាមួយនឹងការរចនាម៉ូតយ៉ាងផ្ចិតផ្ចង់ និងគុណភាព និងព្រមទាំងមុខជាច្រើនផ្សេងទៀត ដែលមានអត្ថប្រយោជន៍រាប់មិនអស់ផងដែរ។ DJ Koh ប្រធានទំនាក់ទំនងចល័តពាណិជ្ជកម្ម របស់ក្រុមហ៊ុនសាមសុងបានមានប្រសាសន៍ថា៖ «ទូរស័ព្ទ Samsung Galaxy S8 នាំយកមកនូវយុគសម័យថ្មីនៃការរចនាស្មាតហ្វូន និងមុខងារដ៏អស្ចារ្យ ដែលផ្តល់នូវបទពិសោធន៍ថ្មីសន្លាង ដល់អតិថិជនជុំវិញពិភពលោក»។

Galaxy S8 នឹងផ្តល់ជូននូវជម្រើសនៃបច្ចេកវិទ្យាទំនើប រួមទាំងកន្លែងស្កេនស្នាមម្រាមដៃ ប្រព័ន្ធស្កេនប្រស្រីភ្នែក និងប្រព័ន្ធចំណាំមុខដែលអាចដោះសោរអេក្រង់ដោយគ្រាន់តែដាក់ទូរស័ព្ទពីមុខ ដូច្នេះអ្នកប្រើប្រាស់អាចជ្រើសរើសវិធីសាស្ត្រផ្ទៀងផ្ទាត់ដ៏ជាក់លាក់់តាមជីវមាត្រទ្រង់ទ្រាយ ដែលដំណើរការបានល្អបំផុតសម្រាប់ពួកគេ។
Galaxy S8 ថែមទាំងមកជាមួយលក្ខណៈពិសេសរបស់ Galaxy ដែលអតិថិជនរបស់យើងតែងតែមានការពេញចិត្តយ៉ាងខ្លាំង ដែលរួមមានដូចជាប្រព័ន្ធ IP68 ការពារចូលទឹក និងធូលី ព្រមទាំងអាចថែមអង្គចងចាំ MicroSD ទំហំដល់ទៅ 256GB ហើយមានបច្ចេកវិទ្យាសាកថ្មឥតខ្សែយ៉ាងរហ័សផងដែរ។
មធ្យោបាយថ្មីដែលរឹតបន្តឹងសម្ព័ន្ធភាពរវាងអ្នកនិងស្មាតហ្វូនអ្នក
Bixby គឺជាមុខងារដ៏ឆ្លាតវៃមួយ ដែលនឹងជួយឲ្យអ្នកប្រើប្រាស់ទទួលបានបទពិសោធន៍ថ្មីៗ ជាច្រើនរាប់មិនអស់។ ជាមួយនឹងប៊ូតុងដាច់ ដោយឡែកសម្រាប់Bixby អ្នកអាចបើក Bixby ប្រើបានយ៉ាងស្រួល និងអាចបញ្ជាបើកមុខងារ កម្មវិធី និងសេវាផ្សេងៗដែលមាននៅលើទូរស័ព្ទ ដោយគ្រាន់តែប្រើសម្លេង ឬចុចលើផ្ទៃអេក្រង់ ឬប្រើប្រស្រីភ្នែកបញ្ជា ឬអាចសរសេរក៏បាន។ កាសស្តាប់ដ៏ទំនើបប្រភេទ AKG របស់ក្រុមហ៊ុន Harman ផ្តល់នូវសម្លេងរងំ ពិរោះរណ្តំ ដែលនឹងមានមកជាមួយស្មាតហ្វូននេះក្នុងប្រអប់ជាស្រេចដោយឥតគិតថ្លៃ។ កាសស្តាប់ត្រចៀកទាំងនេះនឹងផ្តល់គុណភាពសម្លេង ខណៈកាត់បន្ថយសម្លេងរំខានពីខាងក្រៅ បានកាន់តែមានប្រសិទ្ធិភាពជាងមុន ហើយមាននូវបច្ចេកវិទ្យាប្រើក្រណាត់ទំនើប ដែលកាត់បន្ថយឨកាសនៃការវ័ណ្ឌជំពាក់ខ្សែផងដែរ។
ជាមួយនឹងអង្គប្រតិបត្តិធំប្រកបដោយអនុភាព Samsung Dex គឺជាមុខងារបកគំហើញដ៏ថ្មីសន្លាងមិនធ្លាប់មានពីមុន ដែលអនុញ្ញាតឲ្យអ្នកប្រើប្រាស់អាចយក ស្មាតហ្វូន Samsung Galaxy S8 ទៅប្រើដូចជាកំព្យូទ័រដែរ ដោយគ្រាន់តែភ្ជាប់ទៅនឹងអេក្រង់ Mouse និងក្តារចុចជាការស្រេច។ មិនតែប៉ុណ្ណោះ Samsung DeX អនុញ្ញាតឲ្យអ្នកប្រើប្រាស់អាចបើកទិន្នន័យ ឬឯកសារយកមកកែសម្រួល ឬពិនិត្យមើលចេញពីទូរស័ព្ទតែម្តង ដែលជាចំណុចពិសេសមួយធ្វើឲ្យដំណើរការការងារប្រចាំថ្ងៃកាន់ តែងាយស្រួល កាន់តែរហ័ស និងកាន់តែឆ្លាតវៃជាមួយនឹងស្មាតហ្វូននេះ។
Galaxy S8 មានជម្រើសពណ៌ចំនួន ៥ រួមមាន ពណ៌ខ្មៅរលោង ប្រផេះ ទឹកប្រាក់ ខៀវ និងមាសដ៏ស្រស់ស្អាតទាក់ភ្នែក។ សម្រាប់ព័ត៌មានបន្ថែមអំពីផលិតផល សូមចូលទៅកាន់ www.samsungmobilepress.com
http://news.samsung.com/galaxy
ឬ www.samsung.com/galaxy
នេះជាលក្ខណៈសម្បត្តិលម្អិតរបស់ Galaxy S8 និង S8+